桑妮．想．現

經過了前一日13個小時的勞動~ 今天晏左少少起身~ 這天早上我們選擇了早上行牛車水，下午到聖淘沙玩~ 

牛車水距離我們酒店不太遠，大約2個地鐵站多些的距離，我選出了步行去牛車水~

早上10:00的大街店舖還沒開門，慢慢步行很輕鬆，但天氣太好，有點曬..... 牛車水(Chinatown)是有名的手信區，但見英文名稱便知是一條唐人街~ 那類有地道野食、有博物館、有潮流服飾等。本來想在這裡吃特色野、買衫同食咖央，但因為時間關係，我們只能完成預期的一半..... 

 牛車水大街~

牛車水原貌館是展示當時華人在南洋的生活文化，但需付費入內，我沒有進去啦~

這是歷史悠久的印度廟，入去參拜需要脫鞋~

這裡有好多野食~ 有魚湯米、琵琶蝦叻沙、肉骨茶、咖央多等等，但因為時間關係同埋我們唔大食，我們只試了肉骨茶而已~

我們到了旅遊書推介的牛車水熟食中心內的這間店~ 合興砂煲肉骨茶~ 
當地人一個肉骨茶配一碗白飯，就是一個午餐~ 我們2個女孩子點了一個，打算吃少少而已，但老闆娘就猛問我們夠唔夠，怕我們不夠飽，於是我們又點了個"豆支"，即腐竹，我最喜歡吃了~~ 豆支很好吃，很軟~ 而肉骨茶應有黑椒，有點辣。湯有藥材味，而骨有4大舊，都幾足料....~~ 這裡會幫你買水，如要可開聲問，但就不會像香港那樣免費有杯水比你~

吃飽了就在附近行逛，就是在這裡看到了在動物園有售的匙扣，買貴了一倍有多.... 激死!! 仲要越行越遠越平.... 呀~!! 激心呀! 
我們還在這裡買了林志源肉乾，也幾好食...~

之後我們便搭地鐵到NE1 Harbour Front站，在Vivo CityE出口一出，好大個牌寫住Sentosa Express，唔會唔識路~ 上2層到Vivo Cituy3樓，就見到好大個Sentosa的牌，這裡可自行在售票機買飛乘搭，S$3一人，一日內在島內任搭。Express有3個站，包括Waterfront Station, Imbiah Station, Beach Station。上網已了解了我們要玩什麼，因為園內所有場所都要付費，如所有也玩實在太貴，也不夠時間，故我們揀選了最想看的去看，所以我們最先在Imbiah Station下車。

一出站，好大個魚尾獅像，歡迎黎到Merlion Plaza~

我們到Imbiah Lookout 參觀了蝴蝶王國~ 蝴蝶館都幾多蝴蝶響你身邊飛，但就比較多蚊.... 呢個館S$16一人。除了蝴蝶，還有其他品種的雀鳥~ 不過因為蝴蝶周圍飛，好難可以定定拍攝到靚靚蝴蝶...

穿過另一個位置，有鸚鵡可以比你們拎住拍照，但牠們好嘈啦，而且拍照時會啄你既頭髮.... 真是頑皮~!!

之後參觀完就過旁邊的3D及4D影院~ 都OK既~

看完電影，時間也差不多。因為我們買了19:40的Song of the Sea歌劇，每位S$10。在Siloso Beach演出，我們乘搭free shuttle去到Beach Station巴士站，再慢慢步行去沙灘~ 

在散步途中，見到馬路旁有孔雀媽媽帶著孔雀bb行過，真係好得意呀~~~  新加坡就係咁，自然動物經常近距離出現...~

步行至會場附近，已有多人在排隊... Song of the Sea的位置是先到先得的，早些入去才可以霸靚位~ 我們見已夜晚，便到附件的餐廳外賣了pizza入去吃~

 人頭湧湧呢~~

這個歌劇故事講咩唔太記得，但用了大量噴水效果及火焰作配合，視覺效果極佳! 幾好睇~~

睇完8:30，之後打算去環球影城，點知去到先知原來收9:00..... 遲左5分鐘.... 唉.... 實在太失敗~! 唯有明天再黎，唔黎環球影城，點算去過聖淘沙!

我們之後睇埋最後那個Lake of Dreams表演便乘地鐵回酒店..... 這天也很累呢~