桑妮．想．現

第二天一早我們起身吃那個免費早餐~ 之後便出發了~ 今天整天也是與大自然親近，和動物玩遊戲~!! 

今天天氣非常晴朗~ 我們一早搭地鐵去到NS16 Ang Mo Kio站下車轉巴士。新加坡的地鐵主要有4條線，大多有清晰指示及不同顏色以作識別，故不會搭錯車~ 在NS16站下車於C出口出，便會見到有指示指引去搭巴士，乘搭巴士138號，因為動物園是旅遊點的關係，指引也很清楚。

一直向前行便見到綠色138號~

坐車約20多分鐘吧~ 也不記得多久了~ 之後便會見到動物園的牌子~ 呼~ 到了~! 新加坡的野生動物園很著名。而搭車途中也會見到周圍保留著森林似的環境，有些地方還是立入禁止的，盡量想營造一個自然的野外環境的用心清晰可見。日間動物園、夜間動物園及雀鳥園可以用package方式買票，價格會比分開平一點。因為雀鳥園不在動物園附近，而興趣不算大，故我只是買了日間及夜間的package。價格為S$42一個人，價錢比香港海洋公園平，而內裡的面積比海洋公園大~ (2個加埋)，都抵玩架!  而由間間動物園行去夜間只需5分鐘，故可以順道遊玩~

如大家有興趣來玩，建議要先到其網站下載地圖及計劃路線，這樣會較省時。園內有多個不同區域，主題不同種類的動物，而每個區域或動物也有不同的表演時間、餵食時間，加上園內頗大，如現場才決定就有機會錯過了~ 故先計劃比較好。

而我們的主要玩法先去Australian Outback餵袋鼠，之後搭觀光船去Rainforest Kids World坐馬車，一直向下行，穿過Wild Africa，再行去餵長頸鹿，之後去食午飯。再去Rainforest入面坐大象，再向下行一直到出口。呢個路線算係行到整個公園，但因為有些地方我們5:00幾先去到，去到已經close左~ 所以有些動物都睇唔哂~ 我們亦無睇到d表演，因為我只係顧住餵食既時間！餵食每次S$5，而且會限名額，故要早D去同埋需排隊。另外動物園周圍都有雨衣賣，仲會提你帶雨具。初時以為係溫馨提示，點知原來呢度每逢下午2:00~3:00左右都會下雨，可能因為地理環境同營造的熱帶雨林氣候等因素形成了這個自然雨帶，每次果段時間就落雨，都幾有趣！我都因為無帶傘，而且一落就好大雨，所以都係買左件，要成S$35! 都幾貴~ 買完就無雨，真係激死! 但雨衣質料幾靚，唔透氣，唔入水，可以re-use~ 所以我都keep住左留念~ 

講多無謂，睇相最實際~! 

入園內會先經過Treetops Trail看些細小的動物，這些動物主要會在樹上爬來爬去~

餵袋鼠~ 牠們好乖好溫馴架~ 好可愛!! 

觀光碼頭在Australia Outback附近，一程S$5。沿途會有專員簡介周圍的特色比你聽~

原來馬都有咁多種類~ 有唔過147cm的矮馬(Pony)，有平常見的大馬(Horse)，即高過182cm~ 當然我們坐馬車的是大馬了~

好大隻長鼻猴 (Proboscis Monkey)同埋超級大隻既蝙蝠響我近距離行過!!! 

餵長頸鹿排好耐隊~ 有人派食物比你，你企出瞭望台，之後有3隻長頸鹿就等你餵了~~ XD

大象出巡~ 好壯觀~

坐在大象上都幾"搖"下，建議唔好坐最後，因為背部會貼邊，搖搖下外框既鐵枝撞向你背部，瘀左..... ==" 大象的毛髮好粗，有些"吉"肉，所以都係唔好著短褲為妙....

去到企鵝館，好搞鬼成堆企鵝十幾隻響度堆埋，原來是夠鐘收工但職員忘了開門比佢地返入黎~ 好得意呀!! ^V^

不過好多動物比佢地養到馴左，老虎、豹呀、科莫多龍等都響度大食懶咁"攤屍"訓覺.....

還有太多動物不能盡錄.... 因為日間只開放至晚上6:00，故我們也急腳行，到精品店買少少野就走了~ 提提你不用在內裡精品店買鎖匙扣同有新加坡標誌既精品，因為出面也有售而園內貴好多~ 如果真係買應該買些園內才有的東西... 蠢了~ 買貴野.... 
由日間動物園出去，會有指示帶你去夜間動物園，而且很多人一齊行去，故也不會迷路。

入到去門口有"婆羅洲土著表演"~ 分19:00, 20:00, 21:00三場~ 都幾精彩~!

夜晚我們在food court內吃，點了個豉油雞撈麵同埋海南雞飯~ 但因為係food court，味道當然一般.....

 其實入面有些動物也在日間見過，但有些就只有夜間才有，好像"馬來貘"。夜間可以坐車入去行一圈，那樣某些動物可在你身邊行過，會看得清楚一點。不過行車一圈很快就完，大約30分鐘。故可以坐完車再步行一次，那樣可看得更全面。當然入面是不准開閃光燈的，這樣會對動物構成傷害。但入面很多人也不聽，還是開了閃光燈，真的想罵他們!! 因為沒光的關係，相機影不了~ 故不post相了~ 而若問我值不值得去，如果你已行了日間的，那可以不必一定去，因為有七成的動物也差不多~ 但若然對坐車近距離看動物是有興趣的話就可以試一試~~ 

行完已經11:30pm，步行回巴士站搭車回Ang Mo Kio站，因為地鐵已開走，故我們搭的士回去~ 由早上10:00玩到晚上11:00~ 與動物玩足13個小時!! 都真係幾累.....