桑妮．想．現

2012年4月6~9日。去完韓國半年唔夠，又心思思去旅行~ 適逢遇見返10年無見的表妹~ 她又想搵個伴去旅行，之後考慮了一會便決定於復活節假期去新加坡，因為大家都未去過這個小小又好玩的城市。今次因為都算決定得較急，只有一個月的時間，平的旅行package已售罄，故今次都幾貴架.... 4日機票連酒店的package要HKD$5920.....  原來假期去會貴咁多.... 不過我這個階段搵到呢個價都已經算ok，因為再問其他要$62xx..... =0=..... 今次同travel expert買，第一次買package...~

這個package搭虎航，11:25am起飛，到步時間約為3:10pm；回程是4:05pm起飛，回港時間約8:05pm。本人因為這次經歷已經對呢間航空公司失去信心，未至於強烈建議，但如果可以揀既都係搭其他好d... 本身因為廉價機，沒有飛機餐，都唔緊要；之後因為假期，佢又係細機，比人轉左登機閘口，都唔緊要，都好常見；但如果又因為假期，佢要delay左2個鐘，咁就差d啦.... 只可以講假期唔好去旅行囉...~ 之後仲要仲要，飛機落機無隧道行出去，要行樓梯落停機坪再露天走回機場大樓，我就真係未試過啦。機位窄，又delay，原本已經黎到係下午，變左夜晚。經驗唔好囉.... 可能我黑仔掛.... 

相反間酒店都叫似樣d，住M Hotel Singapore，這間位於地鐵站Tanjong Pagar(EW15)附近的酒店，但由地鐵站行去都要7-10分鐘，第一日去搵酒店需要些時間....但個大堂及環境都ok，加上自助早餐食物款式多及都叫幾好吃，所以都幾好。我們本身住superior係無早餐，但因為我們delay了，再搭地鐵去到又要搵酒店位置，搵到行到去已經成7:00pm..... 基本上已經遲了很多~ 佢話superior房已經無哂，所以upgrade左做商務房比我們，由無早餐轉成有早餐，房間又大好多，本來delay已經唔開心，但而家upgrade左算係補償吧? 

浴缸同企缸都有架~

因為delay既關係，有好幾個景點我們都去不到。但已經7:00pm幾，卸下行裝當然醫肚先啦。我睇旅遊書可以響地鐵站買將3 day pass，3日有效期，3日內無限次任搭地鐵，價格S$36。

之後7日(好像)內要退還，但地鐵站要去TICKET OFFICE才可退回，但除左落機開門，之後都見唔到開門.... 再之後我朋友5日後去新加坡都仲係見唔到佢開門.... 所以都係無得退。所以大家再衡量一下是否需要購買。除了3 days, 還有2 days及1 day pass可以選擇。

我們第一站去老巴剎夜市醫肚。老巴剎熟食中心都幾大，成條街咁長既露天攤檔，還有一個有蓋類似food court的熟食中心，露天主要食串燒，都幾惹味~ 而室內就咩都有d，飲品、薄餅等等。

 好大個老巴剎的牌坊，就知道已經來到了~~

我們只係食左個串燒拼盤，有羊肉、牛肉同雞肉，配上3款不同的沙嗲醬汁，都幾好味~ 有青瓜可以伴吃，無咁熱氣~

 好大煙~ @o@.....

食完時間尚早，8:00幾，可以行一陣散散步。老巴剎向海的方向行，行20分鐘便可以來到濱海灣~ 這個原本是早上的行程，終於可以來到~~ 但是遲了5個鐘才來呢...~ 

這就是濱海灣著名的地標︰濱海灣金沙! Marina Bay Sands，行到去就剛剛開始激光表演，會有音樂聲配合的~
而左手邊那個花卉般的東西就是金沙藝術科學博物館~ 金沙酒店同科學館中間便是榴槤藝術中心，建築物頂的外觀很像榴槤的~ 但因為是晚上的關係，全都沒有去參觀呢.... /_\

行到去榴槤藝術館附近，即金沙酒店底，便是金沙購物中心了~ 全是名店，唔係CHANEL就係GUCCI, 這當然沒有進去了~

經過"榴槤"後繼續向前行，便會見到一條雙螺旋金屬橋，可由金沙通往對面的奧運公園，晚上整條橋都亮起了紫色的LED燈，很漂亮~!

橋上有多個觀景台位置可給人影靚相~ 

在公園方向望返金沙感覺又有D唔同...~

再往前走我們便行到去魚尾獅公園~~ 見到有檔車仔伯伯在賣三文治雪榚!! 這樣的經典甜品在香港已沒多地方可以吃了~ 行了這麼久非常熱，便買了件試試~ 這是Rasberry味~~ 即時涼返哂~~ 

終於見到新加坡的代表︰魚尾獅~~

晚上的濱海灣很漂亮~ 因為有燈飾呢~ 可能比白天還靚~

行到咁上下，我們便回去乘地鐵回酒店休息了~ 這天很累呢~