桑妮．想．現

因為哥哥於上一篇吃了未熟的豬膶之後.... 食物中毒了!!  所以行程要改一改。我們見哥哥唔舒服(當時未知係食物中毒)，我和爸媽10點多才出門口，先去吃個地道湯粉麵~

我們由酒店出發行左2條街(紉5分鐘)，到了這家小店吃個魚蛋米，雖然小店早上唔開燈，感覺幽暗一點，但所有東西都係熟既! 係熟既! 係熟既! (好重要要講3次)

魚蛋彈牙，湯清有少少甜，都幾好味~

哥休息一會後也出來和我們一起行逛~ (仲未知係食物中毒)。於是我們去了一個最近的景點 — 華欣火車站，只需行20分鐘就會到~ 不過步行途中見到馬路旁有間小店的燒鴨好靚~~ 於是我們又了走入去....

店比較簡陋，但食物都好好味~ 我們叫了半隻燒鴨4個人分~ (哥哥無得食~) 這店在華欣火車站對面馬路，路程5~7分鐘

吃完後就到了華欣火車站拍照影相~ 華欣火車站有百年歷史，被稱為最古老最美的火車站。因為車站範圍的建築物均以柚木搭建，配合鮮明的紅白色調，懷舊得黎又有少少trendy。所以都好多人黎影相~

這條路軌無車時都係一個好好既影相背景 

個車站仲用得架~ :)

影完相後哥哥好似越黎越唔妥，我們就同佢步行回酒店，步行中見到有間藥房，於是入去問下有什麼藥可以吃。我們用簡單英文描述後，一個老年紀的叔叔就介紹了一款抗生素，專醫食物中毒~ (果陣先恍然大悟是食物中毒!) 要食5粒，當一個療程咁食..... 哥哥食完就回酒店休息一會。我們和嫂嫂就出去食午餐~

我們步行了去海邊的海鮮街附近(上一篇晚餐的位置)，在海邊附近吃了個美味午餐! 這間叫Chao Lay Seafood的餐廳真係建於海邊，可以望住一望無際既海好relax咁食飯，人生一大樂事! 不過呢.... 由於室外陽光太猛烈，所以我們都係坐有頂的地方... 哈哈! 

 地方真係幾靚!

 呢D時候真係要啤啤佢!

 我們點了海鮮炒麵、菠蘿炒飯、芝士焗青口

飽飽後我們行逛附近，見到有的士(好似新款tuk tuk咁) 去水上市場，於是我們回酒店接哥哥後就一起坐車出發了~ (哥哥食了藥訓了2個鐘，感覺好多了~)

我們來到了Hua Hin Sam Phan Nam Floating Market，由華欣市中心搭車約45分鐘。於入口處要買票入場，但忘了價錢.... 好像是100phb...? 我個人覺得是一個好冷清既市場，唔知係咪因為閒日的下午，人很少，很多店都關門，市場賣的產品以手作東西為主，也有一些是遊客紀念品店，用來打發時間還可以。不過入面有間店的椰青又大又多汁又冰，很口喝! 而且景色也算OK

 入口售票處

 內裡有山羊可以影相

 景色都算OK

的士係包來回的，我們坐回車到附近一個大型商場下車吃晚飯，這個大型商場是Hua Hin Market Village，好比香港的SOGO。商場地下有一個好大的露天美食廣場，我們就在這裡吃

我們點了串燒、豬肋骨(超正!要encore)，仲有什菜豬肉湯鍋~

 入去逛了一陣就坐tuk tuk回酒店了~