桑妮．想．現

很多人一提到泰國，就一定係陽光與海灕~ 對於我這個不諳水性嘅旅行人來說，去泰國唔玩水仲有好多地方玩! 今次我5日4夜同家人去的泰國之旅，可能可以帶比大家多些inspiraton! 

泰國咁大，今次我們去的是華欣~ 很多朋友去泰國會去曼谷、PP島、芭提雅等等，貪可以望住遼闊的海面曬日光浴做spa等，但比較少去華欣~ 但其實華欣都幾靚架，而且好適合一家大小自駕遊~! 今次我們由決定去旅行到出發的日子只有2個月，所以未必買到最平的機票，當格過價後，連稅其實最平的是香港航空，只需HK$1,276來回(2015年10月的價錢)，但因為回程時間太早的關係，我們決定比多少少錢買一個來回時間比較舒適的航班，而當中我是經專業旅運的網上店(pack2fly)買的，乘搭Thai airways (2015年12月9日出發)連稅連行李每人來回HK$1,819 (2015年10月的價錢)，也可以接受，而且你有AE Bluecash 信用卡仲有9折優惠。泰國其實酒店是很便宜的，尤其是華欣，所以我們今次整個旅程酒店連機票每人HK$3000有找，整個旅程每人總共用左HK$5,300有找 (已計算所有食、買、車、油錢、電話卡等等)，計落都唔貴呀~ 

我們買好機票後，就響agoda book好酒店啦~ 其實黎到泰國，應該要住下resort既~ 因為實在比香港便宜太多了~~~~ 而且個環境仲要咁靚~~ 所以今次就book左一間便宜的2星酒店，一間便宜的3星resort~ 會於之後嘅文章介紹啦!

我們一到埗到曼谷的Suvarnabhumi機場，就係去買電話卡上網通訊先! (我想我應該有電話上癮症...... 不過主要係因為好多地方都要用google map啦!) 其實泰國機場出境大堂已經2,3間電訊公司賣電話卡，大多數係賣7日/1GB or 1.5GB 4G速度的package，如果要多些天數，也有10日、15日、30日都有! 我就揀左dtac這間，見tripadvisor都recommend，就買左呢個(THB$299)。呢間好多人排隊，因為佢嘅職員會幫你開機換SIM activate，所以手續上時間耐一點，我和哥哥一人一張，有咩事走失都可以whatapps溝通~ 不過我們5天主要用Google map，whatapps同Facebook睇下野，都只係用左300MB左右~ 早知開埋比爸媽用多些唔好蝕.... 說到速度呢~ 係正常的4G速度~ 不會太快~ 市中心地方亦不會轉去3G龜速~ 對旅遊的要求算正常~

搞好電話卡後就要搞租車啦~ 租車的counter響賣電話卡的counter附近~ 我早一個月前已經上網book左Thai Rent A Car，其實有幾間租車公司可以book的，不過這間算是便宜，上網有人用過覺得ok，於是試下。我們5日租車費用為HK$2130，除開每人都只係HK$426，加上華欣泊車多數係免費，這架車又唔食油，我們揸5日都只係入左2次油(計埋返機場要入滿還車果次)~ 打爆油缸都只係約HK$300左右~ 真的很便宜

有好幾間租車公司，藍色的是Thai Rent A Car。

我上網book時睇過，要坐個人唔難，但要擺到5件行李的車尾箱就有點難度~ 所以不可以選擇太細架的車，最後哥哥同嫂嫂同一件大行李，爸媽用一件大行李，我用一件小行李，就剛剛好無問題了~

搞好手續後，佢會比返份租車文件你，要袋好還車時要用的~ 就有職員帶你去停車場拿車啦! 今次陪我們5日的就是這架銀色的Toyota房車~ 租車前都會檢查清楚有沒有花痕，或是哪裡不對勁，跟住會mark低響租車單上，如果唔係返到黎佢地可能話係你整花要賠償的喔~ 最緊要檢查清楚。

之後就揸車出發去華欣了~ 最初在網上看到泰國的GPS是用座標的，即一堆數字的那種(e.g. 12.567286, 99.954838)，所以事先已經響Google map搵定座標讀數，不過~ 這架車的GPS都很新，只要輸入地名通常都搵到啦~ 又或是電話號碼~ 但要搵到個打字位需要點時間.... 不過摸索一下應該沒問題的~ 

曼谷的塞車問題很嚴重，但華欣基本上只有巴士同的士，故駕車反而是需要的。由曼谷開車到華欣需時4小時，沿途經過3條高速公路....~ 真係辛苦哂哥哥啦~~ 

好啦~ 其實行程之後再講啦~