桑妮．想．現

我的第一個旅行，是真正的旅行，不是交流團，就是2009年去的4日3夜台北之旅。與朋友閒談間討論旅行的地方，亂說的就是去台北吧，一星期後朋友已經請了假及留意機票了~ 就是這樣就實現了第一個的旅行~~

第一日: 酒店 --> 西門町--> 台北車站 -->酒店

2009年6月25日，我們乘搭13:45的機到台北，下機到桃園後要再搭多一個多小時的車程也可到達台北。一下車就找酒店，找了很久才找到大欣飯店，原來在一條巷仔內，我們要問人再由2個女仔帶路才可.... 真係....  不過好在都近地鐵中山站，行去都係2-3分鐘，都ok既間房~ 當然如果可以比多d錢既可以住得好d囉~

這間酒店找了差不多一小時才找到....

settle完都已經晚上6:00~ 去行下先啦~ 去到地鐵買返張八達通先~ 好方便架~!! 首站去左西門町先~!

西門町就好似旺角咁~ 我們行左呢個夜市先~ 第一樣食既野就係可樂餅的炸物~
薯餅 + 帶子~ 都ok~ 幾好味，可能第一樣食掛~ 當然，係太熱氣了~ 這是在橫街的，買完佢有張"飛"比你拎食物，即時炸，等5分鐘左右~

食完行左陣街~ 不過都好普通冇咩野影~ 行左一陣累了就坐低食台北著名的「蚵仔煎」，但原來都唔係太好食.... 果d橙色既醬.... no good.... 蚵仔煎會落粿粉，所以有d透明野，食唔慣會覺得怪怪地.... 蚵仔唔算多，香港既蠔餅好食d~~  食既時候叫左杯酸梅湯，好難飲.... 甜到嘔，我唔會再去囉~ 呢間野唔記得叫咩名，但係響西門町入面的。

食完行左陣，諗住去台北車站行下~~ 但係太夜收了~(10:00)，冇野行就睇下有咩食就返酒店，行到一條街燈火通明，就入內看看。

有間叫「吉品勝口味」的地方可以吃麵線的。台灣另一樣就是麵線吧? 當然要吃了~~ 看一看點菜單，點了個大腸麵線、苦瓜湯及甜不辣share一齊食~ 但3樣野之中苦瓜湯意外地好喝~~ 唔多味精。個麵線又係落左粿粉，很糊口，未必覺得好吃，而甜不辣就是又辣又甜的小食，有魚餅、魚蛋、獅子狗、豬血榚。豬血榚是煙韌的，但無味，要有甜不辣醬才可。

食完就返酒店，結束了第一天~ 很累~~