桑妮．想．現

小時候成日就喜歡睇漫畫，大大下就睇動畫，當年的經典動漫你同我又點會唔識??閒閒地「美少女戰士」都睇左好幾年，首香港主題歌:「美少女轉身變，已變成戰士!」到而家仲記得! 果時我仲成日模仿佢地變身時既動作! 「幽遊白書」入面既藏馬超靚仔! 果陣成日都幻想可以同佢拍拖架~~ 哈哈!! 所以，由小到大，去日本都係我一個情意結，是我一個必定要實現既夢想。而到左2010年10月17日，我終於可以達成我呢個十幾年既心願~ 去日本旅行~!!!! 

東京，日本的首都。第一次去日本基本上呢個係必去既地方，先去市區再去郊區，黎緊想去伊豆溫泉或者沖繩鄉土風情~ 不過睇下有冇時間先~!

我們選擇了在池袋住酒店。池袋很方便，是一個著名的地方，有一個區域有很多唐人的，而且因為是大站 (就好似香港既金鐘咁)，所以好多車都會經，任何急行、特急等既快車都會經，回酒店時唔需要考慮就可以上車。呢間酒店，不能不提，因為實在太好住~~~~ 網上好多人都冇咩點對呢間酒店有評語，因為冇咩人住，呢間主要是日本本土人出trip或旅行時住，是一些小型旅館，位置距離地鐵站很近，只需步行2分到metro, 3分到JR, 就算走時旅行箱重都冇咩問題。不過入口響橫街入面，要行入D先見到。呢間就係池袋Hotel Urban(Urban Hotel Ikebukuro / 池袋ホテルアーバン)。請注意，日本的酒店是非常細的，一般的酒店大概只有15~20平方米，但呢間有成25平方米，搵左好耐先搵到，要響日本本土酒店網搵先得，房間好靚好企理，床又舒服，沖涼用Lux，算係咁~! 酒店算三星，但服務員一般只識日文，英文都只係簡單單字，所要不諳日文的要考慮一下。但態度ok, 我在網上book都係現地決濟(去到先比)，所以非常好。(一般要比左訂金先覺得好無安全感....)
睇下間房啦~~

有玄關，個廳ok~

浴室好大，訓多個人都得! 乾淨企理，設備齊全

日本的廁所不能不提，超多功能。一定要試洗pat pat的功能，hk沒有的~ 大部份地方的洗手間也會有此功能~

基本上呢個質素響池袋59600yen 2個人6晚真係抵到爛~ 如再去東京必住!! 

暫時講住咁多先~ 下一篇再講下去玩去食~~