桑妮．想．現

其實每一日的行程我們也排得很輕鬆，但這一天就太輕鬆了~~ 我們打算去四重溪浸溫泉, 但因為去既車程都要成2個鐘, 而且一定要響車城轉車入去, 所以就打算早少少去車城行下再入去。我們一早起身先在酒店附近吃個早餐, 我們選擇了吃包子, 我們到了老東河包子試一試~

我們叫了每人一個包加野飲~ 叫了一個招牌肉包, 都幾多汁~ 另外也叫了茶葉包, 香菇蛋黃包~ 個包都算軟, 而且肉汁都多~ 都ok~ 飲埋杯豆漿都飽~ 

之後我們10:40左右由高雄搭國光客運到車城, 大概一小時, 沿途風光也不錯, 很多很美的田地....

但入到去, 完全覺得自己比左本旅遊書賣豬仔咁~ 一片荒涼..... 就好似一d好落後既城鎮, 一落車就無車上咁~ 嚇死! 睇旅遊書有個叫福安宮的廟同埋有個跳蚤市場~ 我們問人, 問問下終於找到了福安宮....

呢個福安宮就無咩睇架啦~ 但旁邊既市場都可以行下既~ 同埋車城會有落山風, 因為地勢問題, 每年3-6月就會有落山風, d風大到好似香港掛8號風球咁, 差D都被吹走~~
失策係無帶外套, 不過因為都曬, 所以又有D暖, 果種大風又涼但比陽光曬下又暖既感覺好奇怪..... 這裡因為落山風, 盛產洋蔥, 很大很靚~ 不過我們無買~ 但在這裡吃了地道甜品綠豆蒜~ 個味幾好~ 有D似麥米粥咁, 可以加配料, 好似紅豆/ 芋頭/ 珍珠等~ 唔駛加錢的~ 響外面落車位就好荒涼, 但入到市場都好多遊客, 都安心一點,....

吃完見時間尚早, 特別加插了去墾丁~ 故響車城就搭公車入去~ 只需半小時, 但我們落錯車, 響左墾丁大街落~ 不過行下啦~ 去左小灣~

都幾靚架~ 但諗住可以行去鵝鑾鼻, 真係太天真~ 要搭車嘛, 但此時天色灰暗已下大雨, 無計, 下次再黎啦~ 我們響starbucks飲杯野做下午茶後就搭返車出去車城.... 真係失敗.... 

之後出返去6:00幾, 點知響車城落左車又行錯路~ 不過自由行就係咁啦, 有冒險精神嘛~ 但行既地方比剛才更荒涼.... .... 行左一段路終於找到一間賣洋蔥的店, 我們問他們怎樣去四重溪, 他們就幫我們叫了白牌....~ 坐車入去原來20分鐘已經到~ 不過如果唔識路都幾係野......

去到, 我們揀了旅遊書話日本天皇用過的清泉~

d泉都ok, 有5個池, 有冷水池, 有高溫(好似50度), 亦有中溫(35度左右)。d泉質都ok, 浸起都幾舒服~ 不過我身體就唔太受到, 所以浸左10幾分鐘就要上水了~~ 不過呢間野係咩都無比你, 唔似日本咁價錢包哂衣服/ 毛巾等, 呢度要浸露天先好, 但一定要著泳衣, 所以要帶呀, 但入門口好多隻好大既蚊, 呢度有d困擾.....

浸完舒服後, 我們去了附近的大山羊肉爐吃晚飯~~ 我們點了個羊肉煲, 羊展同青菜, 好好味~~ 好入味~ 呢間野本身有農場, 喝埋佢支羊奶~ 好羊咩咩~ 哈哈!

吃完, 叫餐廳職員幫我們叫白牌出返車城, 由本地人叫唔會點呃錢的, 來左一個滿頭白髮的伯伯, 只懂講台語的, 我們話去福安宮停, 去到附近門口我們叫可以落車了, 但他以為我們唔識路, 猛指著福安宮叫我們行去, 話呢度係福安宮, 我們講野佢又聽唔明~ 不過佢都好好人呀~ 晚上既福安宮和早上的不同, 多了很多攤檔, 熱鬧多了~ 不過落山風在晚上更涼了~~~

我們行返去早上搭車的位置, 買了飛返高雄, 返到高雄見時間尚早(10:00幾), 我們再轉戰六合夜市~~ 吃多幾款野食~

好甜既釋迦                           好熱氣既炸雞排             無汁既蚵仔煎~~

好好味既宵夜~ 1:30幾就回酒店了~ 明天又一早再去農村地方~